Sinopsis
Depués de pasar unos años na cárcel, Xuan Buelga regresa cargáu de misterios a la casa familiar, en Burgundu. Esi viaxe de vuelta, un regresu qu’acarreta más pasáu que futuru, nun lu quier facer solu. Negociando un tratu como si fuera mercadería busca una muyer que lu acompañe, Mirita Moreno. Lo que Buelga nun esperaba ye qu’esa muyer llegara acompañada de la fía. Nesta primer novela, La casa de Xuan Buelga, Gonzalo G. Barreñada preséntanos l’universu míticu de Burgundu, un llugar propiciu pa la lliteratura onde la realidá s’entemez colo simbólico y lo pantástico. Gonzalo G. Barreñada, nacíu en Sotrondio en 1973, ye llicenciáu en Xeografía y Historia y ta especializáu n’Historia del Arte. En 2016 publicó un sorprendente llibru de poemes, Biografíes. Los relatos que cuenten les Hestories de Burgundu van publicase en breve nesta mesma editorial. Colaborador habitual de la revista Campo de los Patos, nel númberu doble 5-6 (2015) adelantó dos d’esos relatos. Nel 7 de la mesma revista (2017) publicó El cuadernu bermeyu.
Más libros del autor
