Sinopsis
Esta guía, ilustrada con cientos de semeyes, quier asoleyar la cocina asturiana al traviés de los sos restoranes, llagares, chigres o cases de comíes de perfiles estremaos: tradicionales, vanguardistes, de productu o de fusión con otres cultures gastronómiques. David Castañón, autor d’esta publicación y del blog Les Fartures, percorrió tolos rincones d’Asturies p’atopalos: pueblos, ciudaes, aldees, sableres o montes. Munchos d’estos establecimientos apurren a esta publicación una receta propia que representa’l so tipu de cocina. Son bien variaes en conceptu, narración o dificultá, pero tienen en común que los sos ingredientes principales son frutu d’esta tierra. Pero tamién vamos caleyar. Les farturrutes son paseos afayadizos pelos espacios naturales d’Asturies pa realizar antes de comer en dalgún de los guapos restoranes allugaos nes zones rurales. Va prestavos. Diz l’autor na introducción que “esta guía ye una escoyeta de les mios meyores experiencies gastronómiques vivíes a lo llargo d’estos 10 años, onde meyor me supieron tresmitir la esencia d’Asturies”. Vais esfrutar con ella.
Más libros del autor
