Sinopsis
«Si atiendes, Mixi, y nun fales tanto, cuntaréte lo que pienso de la Casa l’Espeyu. Primero, esi salón que ves nel cristal ye igual que’l nuestru salón, solo que les coses tán al revés».
Con L’otru llau del espeyu y lo qu’Alicia atopó ellí, continuación de les Aventures d’Alicia nel país de les maravíes, publicaes por Impronta nesta mesma coleición, el matemáticu inglés Charles Lutwidge Dogson, Lewis Carroll, presenta, pente medies d’una partida d’axedrez, la esploración fantasiosa de la realidá qu’hai dientro d’un espeyu. Nesi mundu onde les coses son lo contrario de lo qu’aparenten ser, Alicia, convertida nun peón que quier ser reina, vese endolcada nun viaxe sin posa que tien les regles del axedrez como mecanismu organizador. Nesta nueva aventura, Alicia dirá alcontrándose con personaxes y situaciones que nun son otro que suañu, imaxinación y fantasía. La traducción de Xilberto Llano sigue, tresvasándolu a un contestu asturianu, el testu de la primer edición de 1871, onde’l llinguaxe, rimes y xuegos de palabres tienen la facultá d’entamanar y provocar socesos con solo falar d’ellos. Arriendes d’ello, esta edición inclúi los suxeridores dibuxos orixinales de John Tenniel.
Más libros del autor
