Sinopsis
Les ruines ye probablemente una de les noveles con más éxitu y meyor valorada de la reciente lliteratura asturiana. Suburbia Ediciones ve conveniente esta reedición, revisada y correxida pol propiu autor. En Les ruines, Xandru Fernández usa como excusa a la familia del Rosa l'Alemana y la del so esposu Goyo Godina, militante antifranquista que morrió nun accidente na mina pa construir una novela onde como ye habitual nel autor la vida los personaxes ta condicionada pol paisaxe, el desarraigu y la falta de comunicación. L'autor: Xandru Fernández, ye, probablemente, ún de los más conocíos y almiraos escritores en llingua asturiana; narrador y poeta, cuenta con premios como'l Xosefa Xovellanos de novela asina como l'Acebal de poesía. Suyes son obres tan conocíes como: El nuesu mar de los Sargazos, El suañu de los páxaros de sable, Los homes de bronce o La banda sonora del paraísu. Dientro de la so vertiente poética, destaquen: Servidume, Lletra muerto o Les vides incompletes.