Sinopsis
Antoloxía de rellatos de fantasía de 14 autores asturianos y 1 gallegu. Depués de presentar “L’Horru de Vapor” (steampunk) y “L’Horru máxicu” (fantasía), presentamos un númberu que quier recoyer los meyores rellatos espaciales de toos.
Robots que desendolquen conciencia y acaben cuestionando la so propia existencia. Alieníxenes que contemplen la Tierra como una rareza zoolóxica. Contrabandistes espaciales, civilizaciones galáctiques, rescates imposibles, teoríes conspiratives sobre planetes qu’igual nun esisten y pueblos asturianos onde’l verdaderu monstruu ye, quiciabes, un ser humanu.
L’Horru de les Galaxes axunta una nueva esbilla de voces de la lliteratura asturiana pa demostrar que la ciencia ficción n’asturianu pue ser aventurera, filosófica, humorística, política, emotiva o enforma estraña. Una antoloxía onde conviven la space opera, la sátira, el primer contautu, la distopía y la reflexón sobre lo desconocío. Porque depués de visitar castiellos, mundos máxicos y máquines imposibles, yá vagaba que los horros acabaren, por fin, nes Estrelles.
Más libros del autor
