Sinopsis
«La esperiencia d’años lleendo y corrixendo orixinales fíxonos ver la necesidá de facer una gramática simplificada, casi d’urxencia, que valiera lo mesmo pa la persona que s’avera per primera vez al asturianu que p’aquella yá falante o, tamién, escritora con vocación profesional; una gramática qu’esclariara les duldes más comunes y aidara a desaniciar delles zunes bien enraigonaes ente los usuarios del asturianu. Sabemos que, pola so propia naturaleza, nun va ser eshaustiva, por contra la so meyor virtú ye la cenciellez, que la convierte nuna ferramienta mui útil y práctica. Ye más una guía de consulta rápida qu’una gramática al usu: nun queremos resolver problemes teóricos nin desentrellizar llaberintos llingüísticos. Poro, albidramos que lo meyor yera emplegar un llinguaxe accesible a toos, poca teoría y munchos exemplos prácticos; amás incluyimos en tolos capítulos un apartáu nel que s’esponen les coses y casos que más esmolecen a la persona qu’escribe de la que se sienta delantre l’ordenador o de la fueya en blanco».
Más libros del autor
